PKKM MTsN 5, Menuju Madrasah Hebat Bermartabat ( Part 6 - Penyambutan Denga Seloko Adat )

Betung ( MTsN 5 Muaro Jambi )

Pihak Yang Datang : " Terimo kasih kami ucapkan kepado datuk-datuk kalau kedatangan kami lah ditunggu lah ditantik, berarti kami ko idak tasesat tasalah jalan. Cuma sebelum kami masuk kami nak betanyo dulu kepado datuk, bak mano bunyi pantunnyo :
Bulan puaso bebunyi beduk
Maghrib datang kito bebuko
Kami nak betanyo kepado datuk
apo larang pantang dirumah datuk pado hari ko

Pihak Yang Menunggu : " Memang lah datuk-datuk ko orang cerdik padek bekato, orang elok padek memake, dak nak nian ado unak mengait baju, ranting menyucuk mato, punggur menimpo kuduk. Kalu datuk betanyo larang pantang, mako dirumah kamiko pado hari nan sehariko idaklah ado larang dengan pantang, yang ado cuma eco dengan pake. Apo itueco dengan pake itu, bak mano bunyi pantun kami :

Beli buah dipasar lopak
Buah kelapo masih betangkai
Kalu betemu nan besawah jangan datuk lerak
Betemu nan barebo jangan datuk ungkai

Kalu itu datuk langgar, datuk keno tegur hantu rimbo demam panas 3 hari 3 malam, kalu ditegur ninik mamak, datuk balek bawa utang.

Bersambung

Penulis : Waka Humas ( Hendri Sirajobulu )