PKKM MTsN 5, Menuju Madrasah Hebat Bermartabat ( Part 5 - Penyambutan Dengan Seloko Adat )

Betung ( MTsN 5 Muaro Jambi )

Pihak Yang Menunggu : Assalamu'alaikum warahmatullaahi wabarakaatuh. Alhamdulillah walhamdulillah washolaatu washolaa mu'alaa rosuulillah. 'Amma ba'du. Segalo datuk-datuk ninik mamak yang kami muliokan, nampaknyo pado hari nan sehariko, harinyo elok ketikonyo baik, lah penuh jalan nan panjang, la sesak laman nan luas, dek kedatangan datuk-datuk beserto rombongan.

Burung gelatik terbang ke umo
Tibo diumo memakan padi
Yang kami tantik kini lah tibo
Alangkah senang raso di hati

Lah putih mato kami dek memandang, lah tinggi tumit kami dek bajingkek, lah ikal pulo rambut di kuduk dek menunggu kedatangan datuk-datuk beserto rombongan. Kini, ibarat orang bejalan datuk lah sampe ke batas, belayar lah sampe ke pulau, mako aninglah pantun kami.

Batang cempedak ditengah laman
Akarnyo besusun tindih
Jangan lamo tegak tengah laman
Payo lah masuk kito makan sirih.

Bersambung

Penulis : Waka Humas ( Hendri Sirajobulu )